رضوى الشربيني تكشف تفاصيل قصة حب جديدة لها وتنفي عداوتها للرجال.. تفاصيل
أكدت الإعلامية رضوى الشربيني خلال استضافتها في برنامج "أنا والقناع" من تقديم منى عبد الوهاب أنها ليست عدوة الرجال.
وأوضحت أنها عدوة لأشباه الرجال المنتشرين في المجتمع مبينة: "أنا جيت في الدنيا بسبب راجل وهو أبويا وسندي في الدنيا راجل هو أخويا، وطليقي راجل محترم، وبالتالي أنا مش عدوة الرجالة، أنا عدوة أشباه الرجال، ولست عدوة للراجل، اللى بيضرب مراته مينفعش يتقال عليه راجل، واللي بيشغل مراته بالسُخرة، وهو قاعد في بيته مش راجل، واللي بيعشم دي ودي بالجواز وما يوفيش مش راجل".
ولفتت رضوى الشربيني إلى أنها صادفت الحب الحقيقي بعد انفصالها، مشيرة إلي إنها قصة وانتهت: "قابلت الحب الحقيقي بعد الانفصال ومكنش تعويض عاطفي وإنما قصة حب حقيقية، ولكنها انتهت وانا مبحبش اتكلم عن القصص اللي انتهت بسبب اننا اتفقنا اننا لا نتفق".
وبخصوص مواصفات الزوج الذي تتمناه رضوى الشربيني قالت: "لازم يكون راجل قادر والقدرة هنا بمعنى انه يكون قادر على العفو عند المقدرة عشان مبيصش على أخطائي ولا صغائر الأمور اللي أنا بعملها وهيكبر دماغه ومش هيبص على عيوبي.
ومضت قائلة: ولازم يكون قوي ويشاركني كل أموري ويكون سند وقوته دي تكون معايا مش عليا ولما يقرر انه مش عاوز رضوى الشربيني مبعملش اي حاجة غير انه هيجبني ويقولي في وشي انا أسف مش قادر أكمل".
وتابعت الإعلامية رضوى الشربيني مواصفات شريك حياتها قائلة: "لازم يكون ناجح مقدرش أتجوز راجل مش ناجح ولا أنا اكون أنجح منه، ويكون عنده طموح ويتقي ربنا في البني أدمين ومكونش أنا اولهم لكن مامته وباباه، ولازم يكون بيحبني قوي وبيهتم بيا قوي ويعرف يتعامل معايا لأن أنا صعبة.
وأكدت أنه يجب أن يكون حنيّن وطيب ودمه خفيف عشان مقدرش اتجوز راجل دمه تقيل ابداً، ويكون شيك وخفيف في نفسه".
